Цыдып Жамбалович Жамбалов 1931 оной мартын 1-дэ Буряад-Монголой АССР-эй Агын тойрогой Үбэр Аргали нютагта түрэһэн юм. СССР-эй Уран зохёолшодой холбооной гэшүүн.
Сэдэб Жамбаловай зохёохы ажал ба тэрэнэй уран бэлигынь илангаяа 1970-аад онуудта бодото далайсаяа абан, үндэр шатада хүрэжэ, олониитэдэ зүбөөр сэгнэгдэжэ, буряад литературын алтан жасада оруулагдаhан байна. Хамта дээрээ Сэдэбэй 11 ном буряад, ород хэлэнүүд дээрэ хэблэгдээ. Тэдэнэйнь дундаhаа үхибүүдтэ зорюулагдаhан «Нюдэндөө шэлтэй хурьган», «Мүрысөөн», ехэшүүлэй уншаха «Дэлгэр сэдьхэл», «Эбдэршэгүй хани барисаан», «Залиршагүй наран, нугаршагүй хүн» гэhэн номууд поэдэй эрхим зохёолнууд болоно.